KIKAO CHA WARATIBU NA WAKUU WA SHULE ZENYE MIRADI

Posted on: April 25th, 2023

Mkurugenzi Mtendaji (W) , Bw. Kassim Ndumbo afanya kikao na waratibu Elimu Kata ma walimu wakuu sekondari na msingi walioingiziwa fedha za  ujenzi wa miundombinu ya madarasa, mabweni ofisi na maabara

Alisisitiza katika kuzingatia muda wa utekelezaji kwani muda uliobakia ni mchache kufikia mwisho wa mwaka 2022/2023.. Aidha aliwapongeza kwa kufanya Kazi ngumu za kuisadia serikali katika kutekeleza na kusimamia miradi ya maendeleo.

Alisema fedha tayari zimeshahamishwa katika akaunti husika hivyo kasi ya utekelezaji iwe kubwa pia kuzingatia thamani ya fedha ( Value for money) miradi iwe katika ubora unaotakiwa  ili fedha zisivuke mwaka wa fedha

Pia aliwaasa kujitengenezea njia za kuweza kukabiliana na msongo, kujitengenezea furaha na kuwatengenezea wengine, kujiheshimu na kuthamini cheo alichonacho

Mwisho aliwakumbusha kulipa madeni ya walimu na kuhakikisha hayatengenezwi madeni mapya, kukarabati madawati na miundombinu mingine