Mh. Omary Kipanga Mbunge wa Wilaya ya Mafia na Naibu Waziri wa Elimu, Sayansi na Teknolojia agawa vifaa vya michezo

Posted on: September 30th, 2021

Jumla ya timu 84 za mchezo wa mpira wa miguu katika Kata zote 8 za Wilaya Mafia zilipatiwa mipira kwa ajili ya kuinua na kufufua michezo Wilayani Mafia kama ifuatavyo:-

Kata ya Kanga ilipokea mipira  8, Kata ya Kirongwe  mipira 10, Baleni mipira 13, Ndagoni mipira 9,  Miburani mipira 13, Jibondo mipira 9,  kilindoni mipira 10,  Kiegeani mipira 12.

Afisa Michezo Bw. Mwisani Ngomo alipewa jukumu la kuanzisha ligi ya Wilaya ambapo kila Kata itaunda timu moja ya Kata, hivyo katika Kata 8 zitatoka timu 8 zitakazoingia robo fainali na mwisho fainali na timu itakayoshinda itapatiwa Zawadi na Mheshimiwa Mbunge wa Jimbo hilo. Mwisho wa ligi itapatikana timu moja ya wilaya itakayoenda kucheza nje ya Wilaya. Ligi hiyo imepewa jina la Kipanga Cup

Pia katika ziara  hiyo alielezea pia miradi mbalimbali ya Maendeleo inayoendelea kutekelezwa ndani ya wilaya ikiwa ni utekelezaji wa Ilani ya chama Cha Mapinduzi (CCM),  akielezea katika sekta ya Elimu ( Msingi na Sekondari) imeshaletewa jumla ya bilioni tshs.3.5 kwa ajili ya ujenzi /ukarabati wa madarasa , mabweni na maabara, Sekta ya barabara Tshs. bilioni 1.5, Mradi wa umeme vijijini (REA) jumla ya Tshs bilioni 2 na vituo vya Afya Tshs. bilioni 1.