Naibu Waziri Elimu , Sayansi na Teknolojia azungumza na viongozi wa dini

Posted on: September 29th, 2021

Naibu waziri Elimu , Sayansi na Teknolojia Mh. Omary Kipanga, Mbunge wa Mafia alizungumza na viongozi wa dini na taasisi lengo la kujuana na kuwashukuru kwa kazi kubwa waliyoifanya pamoja na kuhamasisha watu kujitokeza kupiga kura na kuwapatia ushindi wa Rais  pamoja na  yeye Mbunge

Pia alisema kuwa kwa kuwa yeye ni mara yake ya kwanza kuwa Mbunge hivyo inawezekana pia Kuna mahali haifanyi sawasawa amewaomba viongozi wamsaidie  kuongoza watu, kwani watu wanao na wanawajua watu wa Mafia, aliongeza kuwa yeye alizaliwa mafia Ila alivyomaliza darasa la 7 hakuwahi kukaa zaidi ya siku 10 zaidi ya kipindi cha uchaguzi mwaka 2020.

Aliomba kwa yale aliyopatia wampe pongezi na maeneo ambayo aliamini amefanya vizuri kumbe anakosea wamwambie ni wapi maana inawezekana anaenda kwa Kasi kubwa au anaenda taratibu sanaa, hivyo anaomba wampe uelekeo wa namna nzuri ya kuongoza/ kufanya mambo katika maeneo mbalimbali

 Wajumbe walipata wasaa wa kutoa maoni yao kama ifuatavyo

1. kuwe walimu wa dini walioajiriwa ili kuwalea watoto katika maadili mema ya kumpendeza Mungu

2.Mikutano na viongozi wa dini ifanyike  walau mara moja kwa mwaka

3.Ratiba za vyombo vya usafiri bado haziko vizuri na hakuna muda maalum

4. Viongozi wa dini waalikwe bungeni kwenda kumtembelea Mbunge wao

5.  Wachapa kazi wainuliwe/ wapandishwe madaraka kwani wapo wanafanya kazi kwa bidii, utii  na uadilifu

6. Huduma za afya vijijini hasa kijiji Cha Gonge hawana zahanati iliyopo  haijakamilika kuweza kutoa huduma na kusababisha wananchi  hao kufuata huduma  za Afya mbali

7. Upande wa barabara waliomba ziwekwe vifusi Kabla ya msimu mvua

8. Usafiri wa Ndege ni ghali waliomba gharama zipunguzwe

9. Eneo la kutia nanga paongezwe kina ili meli  ziweze kutia nanga muda wote.

Mwisho walimuasa Mh. Mbunge kuwa achape kazi na asisikilize maneno ya watu kwani anapowahudumia watu anamhudumia Mungu.

Akipokea maoni hayo ya wadau alisema maoni yote ameyapokea  na mengine yalishaanza kufanyia kazi na tayari serikali imetenga bajeti kwa ajili ya ujenzi wa kivuko Cha pili na uko katika upembuzi yakinifu ya uwekaji lami barabara ya Nyamisati - Bungu na Kilindoni-Rasi Mkumbi kilometa 50 pia  aliongeza kwa kusema kuwa tayari sekta ya Elimu ( Msingi

na Sekondari) imeshaletewa jumla ya bilioni tshs.3.5 kwa ajili ya ujenzi /ukarabati wa madarasa , mabweni na maabara, Sekta ya barabara Tshs. bilioni 1.5, mradi wa umeme vijijini (REA) jumla ya Tshs bilioni 2 na vituo vya Afya Tshs. bilioni 1.

Alimaliza  kwa kusema kuwa mapato ya Halmashauri yamepanda na kufikia  asilimia 84 kwa kipindi ya miezi 6.