NANENANE YANOGA

Posted on: August 4th, 2023

03.08.2023, Morogoro.

Waziri wa Kilimo, Umwagiliaji, Maliasili na Mifugo wa Serikali ya Mapinduzi ya Zanzibar Mhe. Shamata Shaame Khamis, ametembelea Halmashauri ya Wilaya ya Mafia katika maonesho ya nanenane mkoani Morogoro na kuona jitihada mbalimbali pamoja na fursa zilizopo katika sekta ya kilimo, mifugo na uvuvi.

Katika ziara hiyo, Mhe. Shamata aliambatana na Mkuu wa Mkoa wa Morogoro, Mhe. Adam Malima, Mkuu wa Wilaya ya Kilosa, Mhe. Shaka Hamdu na kupokelewa na Mkurugenzi Mtendaji wa Halmashauri ya Wilaya ya Mafia Mwl. Kassim Ndumbo.

Mhe. Shamata aliweza kukutana na waoneshaji kutoka Mafia pamoja maafisa kilimo, uvuvi na utalii na kuwapongeza kwa kazi nzuri pamoja kuwataka kusimamia vyema mikakati ya serikali katika sekta ya kilimo, mifugo na uvuvi.