WASIMAMIZI WASAIDIZI WAAHIDI UADILIFU WAKATI WOTE WA UCHAGUZI

Posted on: November 22nd, 2024

Ikiwa zimesalia siku tano kuelekea Uchaguzi wa Serikali za Mitaa, msimamizi wa Uchaguzi wa Halmashauri ya Wilaya Mafia Ndg. Mussa Kitungi ameongoza mafunzo kwa wasimamizi wasaidizi wa uchaguzi na wasimamizi wa vituo leo Novemba 22, 2024 katika ukumbi wa Halmashauri uliopo Chicco.

Mafunzo hayo yaliyolenga kutoa maelekezo na Mwongozo wa Uchaguzi kwa mwaka huu 2024 pamoja na kuwapitisha kanuni za uchaguzi, yamewakutanisha wasimamizi wasaidizi na wasimamizi wa vituo wapatao 400 ambapo wameaswa kuzingatia maadili na nidhamu wakati wote wa usimamizi kwa kuzingatia Mwongozo wa Uchaguzi wa Serikali za Mitaa.

Aidha, Msimamizi wa Uchaguzi amewaongoza wasimamizi wasaidizi na wasimamizi wa vituo kula viapo vya uadilifu na utunzaji wa siri ikiwa ni ishara ya utayari katika kutekeleza majukumu yao.

" Serikali za Mitaa,  Sauti ya wananchi,  Jitokeze Kushiriki Uchaguzi ".