Jamhuri ya Muungano wa Tanzania Ofisi ya Rais , Tawala za Mikoa na Mamlaka za Serikali za Mitaa Halmashauri ya Wilaya ya Mafia

BARAZA LA MADIWANI LAPITISHA BILIONI 25 KWA MWAKA 2025/2026

Posted on: February 6th, 2025

Baraza la Madiwani la Halmashauri ya Wilaya ya Mafia yajadili na kupitisha Rasimu ya Mpango wa bajeti ya Shilingi Bilioni 25 kwa mwaka wa fedha 2025/2026.

Likiongozwa na Mwenyekiti wa Halmashauri Mhe. Juma Salum, baraza hilo limeainisha vipaumbele ambavyo vinalenga kuboresha utoaji wa huduma kwa wananchi.

Miongoni mwa vipaumbele hivyo ni pamoja na kutenga fedha kwa ajili ya kukamilisha miradi viporo, kuhakikisha miradi iliyopitishwa inamalizika kwa wakati pamoja na kuongeza fedha kwenye fungu la mikopo ya asilimia 10 kwa makundi ya wanawake, vijana na watu wenye ulemavu.