Maji katika Wilaya ya Mafia hupatikana katika vyanzo vya Chemchem, Visima, Mvua, mabwawa ya asili. Hali ya upatikanaji wa huduma ya Maji ni asilimia 71 ya wakazi wa Mafia sawa na watu 37,309, kiwango hicho ni kikubwa ukilinganisha na kiwango cha Kitaifa ambacho ni asilimia 68. Idadi hiyo ya wakazi wa Mafia ndio wanaopata maji ndani ya mita 400 kwa mujibu wa Sera ya Maji. Wilaya inatekeleza mradi wa vijiji kumi (10) uliopo chini ya programu ya Maendeleo ya Sekta ya Maji (WSDP).
