Jamhuri ya Muungano wa Tanzania Ofisi ya Rais , Tawala za Mikoa na Mamlaka za Serikali za Mitaa Halmashauri ya Wilaya ya Mafia

DKT. JAFO ASISITIZA SIDO KUWASAIDIA WAJASIRIAMALI WADOGO

Posted on: December 17th, 2024

Mgeni rasmi katika maonesho ya nne ya Biashara na Uwekezaji ya Mkoa wa Pwani, ambaye ni Waziri wa Viwanda na Biashara Dkt. Selemani Jafo ametembelea banda la Halmashauri ya Wilaya ya Mafia, leo Desemba 17, 2024.

Dkt. Jafo amewapongeza wajasiriamali, na kuwasisitiza SIDO kuendelea kuwasaidia kama alivyowaelekeza "Serikali ya Dkt. Samia Suluhu Hassan imetoa miaka mitatu kwa wajasiriamali wadogo kulelewa na SIDO na bila kulipa gharama yoyote, lengo letu ni kuhakikisha wajasiriamali wanapiga hatua" alisema Dkt. Jafo.