KAMATI YA FEDHA, UONGOZI NA MIPANGO YAFANYA ZIARA TUMBUJU

Posted on: July 18th, 2024

Kamati ya Fedha, Uongozi na Mipango imefanya ziara ya kutembelea na kukagua shughuli mbalimbali  katika kitongoji cha Tumbuju kilichopo kata ya Ndagoni.

Ziara hiyo iliyoongozwa na Mwenyekiti wa Halmashauri Mhe. Juma Salum, ililenga kusikiliza kero pamoja na kupanga mikakati mizuri ya kuzitatua ili kuimarisha shughuli za kiuchumi zilizokuwa zikiathiriwa kutokana na changamoto zilizopo.

Miongoni mwa maeneo yaliyotembelewa ni pamoja na mwalo ulioharibika kutokana na athari za kimbunga na mvua kubwa kisiwani, ambapo kamati imeitaka Idara ya Ujenzi na Miundombinu kuhakikisha inafanya tathmini ya uharibifu huo ili kutatua changamoto zilizopo.