Jamhuri ya Muungano wa Tanzania Ofisi ya Rais , Tawala za Mikoa na Mamlaka za Serikali za Mitaa Halmashauri ya Wilaya ya Mafia

KAMATI YA MAAFA WILAYANI MAFIA IMETEMBELEA KATA YA MIBURANI KUFANYA TATHMINI YA UHARIBIFU WA MVUA ZINAZOENDELEA KUNYESHA

Posted on: April 27th, 2024

Kamati ya Maafa ya Wilaya ya Mafia leo Aprili 27, 2024 imefika kijiji cha Miburani kukagua na kufanya tathmini ya uharibifu katika makazi ya wananchi pamoja na miundombinu ya barabara.

Zaidi ya kaya 86 kijijini hapo zimeathirika na mvua kubwa zinazoendelea kunyesha maeneo mengi nchini na kulazimisha wananchi kuyahama makazi yao.

Kamati imeendelea kuwataka wakazi wa Mafia na wananchi wote wanatakiwa kuwa makini kipindi hiki cha mvua kwa kuepuka kukaa maeneo yenye mabonde na maeneo yenye kawaida ya kujaa maji.