KAMATI YA SENSA WILAYA YA MAFIA YAFANYA KIKAO CHA TATHIMINI YA SENSA YA WATU NA MAKAZI

Posted on: October 20th, 2022

Kamati ya sensa Wilaya ya Mafia imefanya kikao cha tathmini ya sensa ya watu na makazi siku ya tarehe  20/10/2022 .

Mwenyekiti wa kamati hiyo Mhandisi Martine Ntemo ambaye ni mkuu wa Wilaya ya Mafia alitoa shukrani kwa  wajumbe wa kamati ya sensa Wilaya, kamati ya Sensa mkoa, kamati ya ulinzi na usalama, taasisi za dini, wenyeviti wa vitongoji na viongozi wote na wananchi kwa ujumla kwa ushirikiano mkubwa walioutoa kipindi chote cha zoezi  zima la sensa ya watu na makazi.

Zoezi la kuchukua taarifa lilianza rasmi tarehe 23/08/2022 na kukamilika tarehe 05/09/2022.

Aidha zoezi lilitanguliwa na mafunzo yaliyofanyika kwa makarani, wasimamizi wa maudhui na wasimamizi wa TEHAMA kwa muda wa siku 19. Wote walifaulu mitihani na walifanya kazi kwa bidii na uaminifu ambapo walihakikisha nyumba za makazi na majengo yote yametambuliwa na kuchukulia taarifa tarajiwa.

 Makarani waliofanya kazi kwa bidii watapewa vyeti vya kutambua uzalendo wao.