KAMATI YA SIASA WILAYA YATEMBELEA MIRADI

Posted on: August 20th, 2024

Kamati ya Siasa Wilaya ya Mafia imefanya ziara ya kutembelea miradi mbalimbali ya maendeleo inayotekelezwa wilayani ikiwemo Afya, Elimu, Barabara na maji.

Ziara hiyo iliyolenga kukagua hatua za utekelezaji, imekagua miradi minne ikiwemo mradi wa ujenzi wa jengo la mama na mtoto katika Hospitali ya Wilaya, mradi wa usambazaji maji uliopo kata ya Baleni, mradi wa ujenzi wa daraja ya barabara ya Futa-Ruma na Shule mpya ya Sekondari, Raptor iliyopo Kilindoni.

Aidha, kamati imetembelea kambi ya Umoja wa Vijana wa CCM katika Shule ya Msingi Sikula ambapo Mkuu wa Wilaya ya Mafia, Mhe. Aziza Mangosongo alifunga rasmi kambi hiyo iliyodumu kwa siku saba.

Kamati ya Siasa imesisitiza umakini katika ufuatiliaji wa miradi ya maendeleo ili iweze kumalizika kwa muda uliokusudiwa na kuwahudumia wananchi, maana ndiyo lengo la Serikali chini ya Mhe. Rais Dkt. Samia Suluhu Hassan kuhakikisha kuwa inawafikia wananchi katika sekta mbalimbali kwa kuwaletea maendeleo.