KAMPENI YA "MTU NI AFYA" YATUA MAFIA

Posted on: September 30th, 2024

Mkuu wa Wilaya ya Mafia Mhe. Aziza Mangosongo aipokea kampeni ya "MtuNiAfya" wilayani, inayoongozwa na Mhamasishaji wa kitaifa, Mrisho Mpoto.

 Mhe. Mangosongo amepata fursa ya kuweka sahihi ya makubaliano katika utekelezaji wa maeneo muhimu ya kampeni ya mtu ni afya, ambapo wilaya ya Mafia ni miongoni mwa wilaya zinazoshindanishwa katika kampeni hiyo.

Wilaya ya Mafia haitobaki nyuma kama Mhe. Mkuu wa Wilaya alivyoahidi kufanya kweli akishirikiana na viongozi wa Wilaya, Halmashauri, taasisi na wananchi wote kwa ujumla katika kuhakikisha usafi wa mazingira, uwepo wa vyoo bora, hedhi salama, matumizi ya nishati safi ya kupikia, lishe bora na mengine mengi yahusuyo afya katika jamii.

Mhamasishaji Mrisho Mpoto aliweza pia kukutana na Wakuu wa Idara na Vitengo wa Halmashauri pamoja na baadhi ya watumishi.