KATIBU TAWALA MKOA AFANYA KIKAO NA WATUMISHI.

Posted on: November 5th, 2022

Katibu Tawala Mkoa wa Pwani Bi. Zuwena Omary Jiri katika  ziara aliyofanya wilayani ya Mafia amekutana na watumishi na idara na sekta mbalimbali  za serikali sikunl ya tarehe 04/11/2022 ukumbi wa mkuu wa wilaya alieesema amekuja kwa  lengo kupafahamu  Mafia, kujua  fursa na changamoto zake, na zaidi kushukuru na kuwapongeza kwa kuendelea kulitumikia taifa kijasiri

Alisema "serikali ni mtumishi wa umma kuanzia ngazi ya chini kabisa , na usifikiri kuwa kuna serikali sehemu nyingine , tuonyeshe ukubwa, uzuri na uimara wa serikali"

Alisisitiza kufanya kazi kwa bidii na maarifa na sio kufanya kazi kwa mazoea, kuacha mawazo ya kuhama kwani "tunahitajika kukua kiutumishi na tusiwaze kuletwa mafia ni kama adhabu"

Pia alitoa fursa kwa watumishi ambapo Afisa Utumishi (W) alisema halmashauri ina uhaba wa watumishi na watumishi wanaoletwa ni wachache kulingana na ikama aliongeza kwa kusema changamoto zilizochangia watumishi wasiripoti ama kuomba kuhama ilichangiwa na hali ya usafiri ambayo kwa sasa  kwa sasa imepata tiba

Naye Afisa Kilimo alishauri kuendelea kuomba kuletewa watumishi na pia watumishi wapewe motisha mwisho alishauri kuwe na  uhamisho wa ndani ya mkoa angalau ndani ya miaka 03-05 ifanyike mzunguko ( rotation)