Mkuu wa Wilaya ya Mafia Mhe Aziza Mangosongo, akiwa katika ziara ya ukaguzi wa miundombinu ilyoharibiwa na kimbunga " Hidaya" wilayani Mafia.
Akiwa ameambatana na kamati ya Usalama ya Wilaya pamoja na baadhi ya Wakuu wa Idara na Vitengo, Mhe. Mangosongo alitembelea eneo la machinjio ambalo liliathirika na maafa lililopo kata ya Kilindoni pamoja na Josho katika kata ya Ndagoni ambapo alitoa wito kwa Halmashauri kuweka jitihada za kurekebisha miundombinu hiyo ili kuboresha zaidi huduma kwa wananchi.
Maeneo mengine yaliyotembelewa ni pamoja na shule ya msingi Kiegeani ambapo mradi wa ujenzi wa madarasa matatu unaendelea, eneo ambalo linatarajiwa kujengwa shule ya Sekondari ya Ufundi jijiji cha Marimbani, pamoja na mradi wa maabara uliopo shule ya sekondari Kidawendui.
Kilindoni-Bomani Street
Anuani ya posta: 85
Simu: 0232010199
Simu ya mkononi:
Baruapepe: ded.mafia@pwani.go.tz / ded@mafiadc.go.tz
