MAADHIMISHO YA KUMBUKUMBU YA SIKU YA MASHUJAA WILAYANI MAFIA

Posted on: July 25th, 2023

Wilaya ya Mafia imeadhimisha Siku ya Mashujaa kwa kufanya shughuli za kijamii ikiwemo kupanda miti katika eneo la Chiko na kufanya usafi katika Kituo cha Afya cha Kiegeani.

Maadhimisho hayo yaliongozwa na Katibu Tawala wa Wilaya, Ndugu Olivanus Thomas, ambaye alimuwakilisha Mkuu wa Wilaya Mhe. Zephania Sumaye, Mkurugenzi Mtendaji wa Halmashauri Mwl. Kassim Ndumbo, wakuu wa Idara na Vitengo, viongozi wa Usalama, viongozi wa kata na vijiji, pamoja na wakazi wa Mafia.

Akimuwakilisha Mkuu wa Wilaya ya Mafia, Katibu Tawala wa Wilaya, Ndugu Olivanus Thomas aliwataka wakazi wa Mafia kuunga mkono juhudi za Mhe. Rais Dkt. Samia Suluhu Hassan kwa kutekeleza majukumu yao kwa usahihi katika nafasi zao.