MKURUGENZI MTENDAJI (W) AFANYA KIKAO NA WATENDAJI KATA

Posted on: September 15th, 2021

Mkurugenzi Mtendaji (W) Mafia Bw. Kassim S. Ndumbo  azungumza na Watendaji Kata siku ya tarehe 07/09/ 2021katika maeneo makuu matano:-

I. Namna ya kuishi

Ii. ukusanyaji wa mapato

III. utekelezaji wa miradi na

Iv.Vikao vya kisheria

V. vitambulisho vya ujasiriamali

Alizungumza kuhusu namna ya kuishi aliwaasa Watendaji kuishi Kiongozi na uwajibikaji, wawe wa kufuata protokali za kiuongozi wawe na utulivu na subira, waishi kwa kufuata taratibu za kazi na kutokutengezeana uadui

katika eneo la ukusanyaji wa mapato aliwaambia Watendaji hao kuwa pamoja na majukumu yao mengine wanalo jukumu la kusimamia  ukusanyaji wa mapato katika maeneo yao pamoja na kusimamia matumizi ya mizani na aliwaahidi kupeleka mawakala maeneo/ vituo visivyo na mawakala.

katika eneo la utekelezaji wa miradi na uaandaji wa taarifa waliaswa kusimamia miradi inayotekelezwa katika Kata zao kwa kuzingatia thamani ya pesa  na ubora wa mradi ( value for money).

Vikao vya kisheria

Aliwasisitiza kufanya vikao vyote vya kisheria ndani ya Kata zao waweke mikakati ya kushughulikia mimba mashuleni, mihtasari ifuate fomati za taarifa na itunzwe vizuri kwenye mafaili

Kuhusu vitambulisho vya ujasiriamali aliwasisitiza waendelee kuhamasisha wananchi kukata vitambulisho  pia wajiunge katika vikundi  ambavyo vitakua na sifa ya ya kupata mikopo inayotolewa na Halmashauri kupitia idara ya Maendeleo ya Jamii na visivyokuwa na sifa waviwezeshe kupata sifa ya kukopesheka.

Pia aliwaasa kwa kusema "Tudumishe upendo miongoni mwetu na kwa watu wote, tujiamini, tujithamini na tusijidharau kwani maisha hayana fomula unaweza kuwa yeyote ,siku yoyote na popote"

Kabla ya kufuga kikao aliwakaribisha nao wasema waliyokuwa nayo ambapo walishukuru kwa uongozi kwani Sasa wanapata posho ya madaraka inayowawezesha kutatua changamoto zao mbalimbali pia waliiomba ofisi ya Mkurugenzi kuziwezesha ofisi za Kata kwani Zina Hali mbaya ya majengo fenicha hata shajala. Mkurugenzi aliwaahidi kufanyia kazi itakavyowezekana Ila aliwataka nao kuwa wabunifu na kujiongeza ili kuzipendezesha ofisi zao.