Mkuu wa Wilaya Mafia azindua Baraza la vijana Wilaya

Posted on: September 20th, 2021

Mkuu wa Wilaya Mafia Inj. Martin Ntemo alizindua BARAZA la vijana la Wilaya siku ya tarehe 09 Septemba, 2021 BARAZA hilo lilizinduliwa kwa uwezeshaji  wa shirika lisilo la kiserikali Action Aid. Katika hafla hiyo iliyoandaliwa na idara ya Maendeleo Jamii , Vijana , jinsia na watoto walialikwa  pia Mwenyekiti wa Halmashauri, Mkurugenzi Mtendaji Wilaya na Katibu wa Mbunge.
Vijana walipata fursa ya kueleza changamoto mbalimbali jamii inazowakabiliana nazo katika sekta ya Elimu, afya  na Ajira
Wakiainisha changamoto hizo katika sekta ya Afya walisema:-
i. Upungufu/ukosefu wa dawa, vifaa tiba pamoja na vipimo
ii  uhaba wa wataalam wa afya unaopelekea wataalam wachache waliopo kufanya kazi kubwa ya ziada
III . ukosefu wa nishati mwanga (umeme) katika zahanati
iv. Ukosefu wa vipimo vya DNA
v. Jamii kutokujiunga na mfuko wa bima ya Afya ya jamii (iCHF) ili kupunguza gharama za matibabu
vi. Vijana kukosa Elimu ya uzazi wa mpango hivyo kubeba mimba zisizotarajiwa

ii.Elimu
kwa upande wa Elimu wakiainisha changamoto zifuatazo
I.Kukosekana kwa Elimu ya ujasiriamali hasa kwa vijana
ii. Vijana kutokupewa Elimu Rika inayopelea kujiona bado watoto
III.kukosekana kwa vyuo vya Elimu ya kati (VETA)
iv.  Upungufu wa walimu mashuleni
v. Kukosekana kwa  usawa katika kupata Elimu ambapo inaonekana mtoto wa kiume anapendelewa zaidi kuliko wa kike
vi  Upungufu wa miundombinu ya shule (madarasa, ofisi za walimu, matundu ya vyoo) , fenicha
vii. Kukosekana kwa chakula mashuleni kunawafanya watoto wasome wakiwa na njaa na
viii. Ukosefu wa maktaba ambapo vijana wangeweza kujisomea vitabu, majarida n.k kujiongezea maarifa

Kwa upande wa ajira vijana walisema, upatikanaji ajira imekuwa changamoto kwa waliosoma na walioishia Elimu za kati hivyo kuomba kuwe na  vyuo vya VETA ambapo vijana watapata ujuzi mbalimbali utakaowawezesha kujiajiri.
Mwisho walifanya uchaguzi wa  viongozi wa BARAZA LA VIJANA na wafuatao waliochaguliwa:-
1: OXY SAID MAKELA  - Mwenyekiti
2: FATUMA SAID DARUWESHI-Katibu
3: ADI SILIMA -Mjumbe
4: DAMILES JOSEPH NGALOMBA- Mjumbe
5: DAUDI ATANAS-Mjumbe
6: FATUMA ABDALLAH-Mjumbe
7:AHMADI SHOSHI -Mjumbe
8: ASHA MASIKU -Mjumbe