MRADI WA UJENZI WA JENGO LA MAMA NA MTOTO WASHIKA KASI.

Posted on: August 15th, 2023

Mradi wa jengo la mama na mtoto katika Hospitali ya Wilaya ya #Mafia umefikia asilimia 45 ya utekelezaji wake. Mradi huu  unagharimu jumla ya Shilingi Milioni 520 ambapo kati ya fedha hizo, Milioni 270 zimetolewa na wadau wa kuimarisha huduma za uzazi na afya ya mtoto KOFIH, na Milioni 250 zimetoka serikali kuu.

Mradi unatarajiwa kupunguza vifo vya kina mama vitokanavyo na uzazi, kuboresha huduma za afya ya uzazi, mama na mtoto pamoja na kupunguza rufaa za wagonjwa kwenda nje ya Mafia.

Hivi karibuni hospitali ilipokea vifaa tiba vya kisasa kutoka Bohari ya Dawa Tanzania @msd  ikiwa ni muendelezo wa kuboresha utoaji wa huduma za #afya wilayani.

Halmashauri ya Wilaya ya Mafia inatoa shukrani kwa serikali ya awamu ya Sita ikiongozwa na Mhe. Rais Dkt. @samia kwa kutoa fedha za utekelezaji wa mradi huu ili kutatua changamoto za huduma za #afya.