Mwenge wa Uhuru 2024 wazindua mradi wa maji -Mafia

Posted on: May 7th, 2024

Kiongozi wa mbio za Mwenge kitaifa, Ndugu Godfrey Mzava amesisitiza zabuni zote za  manunuzi ya umma zipitie kwenye Mfumo wa Kidigitali wa Manunuzi ya Umma ( Nest) ambao unasimamiwa na Mamlaka ya Udhibiti wa Manunuzi wa Umma (PPRA).

Wito huo ameutoa leo Mei 07, 2024 alipokuwa akipokea na kuweka jiwe la msingi katika mradi wa maji uliopo kata ya Baleni.

" Mheshimiwa Rais, Dkt. Samia Suluhu Hassan kupitia Serikali yake ameelekeza kwamba zabuni zote za manunuzi ya umma zipitie kwenye Mfumo wa Kidigitali wa Manunuzi ( Nest). Mfumo huu umesaidia sana kuondoa malalamiko na masuala ya upendeleo hakuna tena" alisema Mzava.

Aidha, amempongeza na kumshukuru mzee Ally Salum kwa kutoa eneo lake bure ili wananchi wapate huduma ya maji kupitia mradi huo ambao unatarajiwa kugharimu kiasi cha Shilingi Milioni 757.13 mpaka utakapokamilika.