TAG YAKABIDHI MSAADA KWA MKUU WA WILAYA KWA AJILI YA WANANCHI KIBITI NA RUFIJI WALIOATHIRIKA NA MAAFA

Posted on: April 18th, 2024

Mkuu wa Wilaya ya Mafia, Mhe. Aziza Mangosongo amepokea msaada ikiwemo nguo, viatu na madaftari kutoka Kanisa la TAG Kilindoni lililoshirikiana na makanisa mengine ya TAG  sehemu ya Mafia.

Akikabidhi msaada huo kwa niaba ya Mchungaji Kiongozi, Mchungaji Msaidizi Datchius Michael ametumia nafasi hiyo kutoa pole kwa wananchi wa Rufiji na Kibiti walioathirika na maafa.

" Tumeona tushikamane na kiongozi wetu wa Wilaya pamoja na viongozi wenzake kuwafikia wenzetu ambao wamepata shida ya maafa, walau kwa sehemu chache" alisema Mchungaji Michael.

Mkuu wa Wilaya ya Mafia, Mhe. Aziza Mangosongo amewashukuru viongozi pamoja na washirika wa kanisa hilo kwa kujitoa kwa ajili ya wananchi waliopata athari za maafa na kwa ushirikiano wao kwa Serikali.