VIJIJI 6 VYANUFAIKA NA MKOPO WA 10% KUTOKANA NA MAKUSANYO YA MAPATO YA NDANI

Posted on: November 11th, 2022

Halmashauri imetoa jumla ya Tshs 97,700,000  kwa vikundi  08 vya wanawake ( Tshs 51,000,000) , vikundi 04 vya vijana (tshs. 45,500,000) na mlemavu mmoja tshs 1,200,000. Fedha hizo zimetokana na marejesho ya mkopo  wa 10% inayotolewaga kwa vikundi vya wanawake, vijana na wenye ulemavu. Vijiji vilivyonufaika ni pamoja na

Jojo,  Jimbo, Kirongwe, Ndagoni,  Kilindoni na Kiegeani.

Mgeni rasmi katika hafla hiyo  Mhandisi Martin Ntemo Mkuu wa Wilaya  Mafia alisisitiza kuwafichua watu wanaowatumia wanavikundi ili kujinufaisha binafsi.

 Mwenyekiti wa Halmashauri Mh. Juma Salum ambaye aliambatana na mgeni rasmi alihimiza wana vikundi wanaopewa fedha za mikopo warejeshe kwa wakati na kuwa marejesho yanapofanywa  kwa wakati  inatoa fursa kwa wakopaji wengine ambapo kwa mwaka jana 2021/2022 Halmashauri ilikuwa ya 8 Kitaifa kwa utoaji wa mikopo na hii ilitokana na marejesho mazuri kwa wakopaji.

Kwa upande wa meneja wa NMB na CRDB ambao pia walihudhuria hafla hiyo  walisisitiza kutumia akaunti zao kwani hazina makato ya mwezi na wakati wa utoaji fedha ni bure.