WANAFUNZI WANAOJIANDAA NA MITIHANI WAPOKEA MSAADA WA CHAKULA

Posted on: November 3rd, 2022

Shirika lisilokua la kiserikali linajulikana kwa jina la Kalamu Education Foundation (KEF) limetoa msaada wa chakula kwa wanafunzi wa kidato cha nne  wanaojiandaa na mtihani wa Taifa wa kumaliza kidato cha nne mwaka 2022.

Wametoa unga wa mahindi  kg  2,700 na maharage  kg 1,400.

Wakati wa hafla ya kukabidhi vyakula hivyo wataalamu mbalimbali kutoka Halmashauri na KEF walipata wasaa wa kuongea na wanafunzi hao  kuwatia moyo na kuwapa hamasa ya kufanya vizuri wakiwaasa wazingatie mambo makuu matano  yakiwemo  1. Mungu kwanza 2. kujiamini 3. kusoma kwa bidii 4. Nidhamu 2. kulenga wanataka kuwa nani

Mkurugenzi Mtendaji (W) Bw. Kassim S. Ndumbo  aliwashukuru sana KEF kwa moyo wao wa uzalendo na kuwapenda watu wa Mafia kwani wamekuwa wakitoa misaada mbalimbali kwa shule na wanafunzi, na hata walipoelezwa kuna uhaba wa chakula kwa wanafunzi waliopo kambi waliahidi kufanya chochote na hatimaye kutimiza ahadi yao.