WASIMAMIZI WASAIDIZI WAASWA KUTENDA HAKI

Posted on: October 1st, 2024

Msimamizi wa Uchaguzi wa Halmashauri ya Wilaya ya Mafia, Ndugu Mussa Kitungi amewataka wasimamizi wasaidizi wa uchaguzi na wasimamizi wa vituo, kutenda haki katika kazi zao ili kuhakikisha kwamba kuna utulivu na amani wakati wote wa uchaguzi, na hasa kwa kuzingatia falsafa ya 4R (Reconciliation- maridhiano, Reforms- mabadiliko, Resilience- ustahimilivu, na Rebuilding- kujenga upya) kama Mhe. Dkt.Samia Suluhu Hassan anavyosisitiza.

Ndugu Kitungi ameyasema hayo wakati akifungua mafunzo ya Wasimamizi wasaidizi wa uchaguzi na wasimamizi wa vituo, yaliyofanyika Septemba 30, 2024, katika ukumbi wa Halmashauri uliopo Chicco.

Amesema, Rais Samia Suluhu Hassan amekuwa akisisitiza kutenda haki, na hivyo amewataka watendaji hao wa uchaguzi kutenda haki kwa kufuata miongozo, kanuni na sheria, ili wananchi washiriki uchaguzi katika amani na kupata viongozi bora.

"Serikali za Mitaa, Sauti ya wananchi, Jitokeze Kushiriki Uchaguzi "