WATOTO WILAYANI MAFIA WAUNGANA NA WATOTO WA AFRIKA KUADHIMISHA SIKU YA MTOTO WA AFRIKA

Posted on: June 16th, 2021

Siku ya Mtoto wa Afrika ni siku muhimu ambayo nchi zote barani Afrika zinakumbuka tukio la kikatili lililofanyika nchini Afrika ya Kusini mwaka 1976 katika kitongoji cha SOWETO, ambapo watoto wengi waliokuwa wakidai haki yao ya kutobaguliwa katika elimu waliuliwa na iliyokuwa serikali kandamizi ya makaburu

Kauli mbiu ya mwaka 2021 inasema "TUTEKELEZE AJENDA 2040: KWA AFRIKA INAYOLINDA HAKI ZA WATOTO."

“ Watoto wa Mafia tunaishi katika mazingira magumu na hatarishi ingawa sio rahisi kuliona jambo hilo. Watoto tunatendewa matendo maovu na ya kikatili kama vile;Ubakaji, Ulawiti, Kupigwa, Kutishwa, Kutelekezwa, Kutumikishwa kazi ngumu na hata kutolewa lugha za matusi” walieleza watoto hao kwenye risala waliyoisoma mbele ya mgeni rasmi mhe. Shaib NNunduma Mkuu wa Wilaya ya Mafia

Katika maadhimisho hayo baraza la watoto Wilaya lilitambulishwa ambapo Kaimu  Afisa Maendeleo ya Jamii  Wilaya  Bw. Emmanuel Skainda alifafanua kuwa baraza la watoto halihusishi tu watoto waliopo shule bali na wale walio nje ya mfumo wa elimu kuanzia ngazi ya kijiji .

Pia watoto hao waliweza kuonyesha michezo mbalimbali yakiwemo maigizo , mashairi na ngonjera na mwisho watoto waliofanya vizuri kitaaluma walipatiwa zawadi mbalimbali