WATUMISHI WAASWA UADILIFU NA UWAJIBIKAJI KAZINI

Posted on: August 11th, 2023

Halmashauri ya Wilaya ya Mafia kupitia Idara ya Utawala na Usimamizi wa Rasilimali watu, imeongoza mafunzo kwa watumishi wapya wilayani humo.

Mafunzo hayo yenye lengo la kuongeza ufanisi katika kazi yalihusisha watumishi kutoka Idara na vitengo mbalimbali kama Utawala na Usimamizi wa rasilimali watu, Biashara, Kilimo na Ufugaji, Uchumi na Mipango, Habari, madereva pamoja na  viongozi wa serikali za kata na kijiji.

" Tunatoa mafunzo haya ili kuwajengea uwezo katika majukumu yenu ambayo yatawasaidia kuwajibika muwapo kazini hata kuwaandaa vizuri kabla na wakati wa kustaafu, hivyo mnatakiwa kuwa waadilifu katika kuihudumia jamii" alisema Mkuu wa Idara ya Utawala na Usimamizi wa Rasilimali Watu, ndugu Hamisi Hamisi.