ZIARA YA KUTEMBELEA MIRADI

Posted on: August 16th, 2023

UKAGUZI WA UTEKELEZAJI WA MIRADI YA MAENDELEO:

Kamati ya Fedha, Uongozi na Mipango ya Halmashauri ya Wilaya ya Mafia leo imefanya ziara ya ukaguzi wa utekelezaji wa miradi ya maendeleo katika maeneo mbalimbali ikitembelea miradi ya afya, elimu na uvuvi.

Ziara hiyo imeongozwa na Mwenyekiti wa Halmashauri ya Wilaya ya Mafia, Mhe. Juma Salum, Mkurugenzi Mtendaji, Mwl. Kassim Ndumbo, Madiwani pamoja na Wakuu wa Idara na Vitengo.

Miradi iliyokaguliwa ni pamoja na ujenzi wa jengo la mama na mtoto unaoendelea katika Hospitali ya Wilaya, ujenzi wa shule mpya ya msingi Skula katika kijiji cha Dongo, ujenzi wa bwalo la chakula na umaliziaji wa mabweni katika shule ya sekondari ya Kitomondo, ujenzi wa vyumba vitatu vya madarasa katika shule ya msingi Marimbani, ujenzi wa mwalo pamoja na ujenzi wa sekondari mpya unaotarajiwa kuanza eneo la Vunja nazi.